پی سی بی کا 2025-26 سیزن کے لیے ڈومیسٹک کرکٹرز کے نئے کنٹریکٹس کا اعلان
پاکستان کرکٹ بورڈ (پی سی بی) نے 2025-26 کے سیزن کے لیے ڈومیسٹک کرکٹرز کے لیے کنٹریکٹس جاری کرنے کا اعلان کردیا ہے۔ نئے سیزن کے لیے مجموعی طور پر 157 کھلاڑیوں کو ڈومیسٹک کنٹریکٹس دیے گئے ہیں۔
پی سی بی کے مطابق ڈومیسٹک کنٹریکٹس کی مدت اگست 2025 سے جولائی 2026 تک ہوگی۔ گزشتہ سیزن میں یہ تعداد 131 تھی جسے بڑھا کر 157 کردیا گیا ہے۔
اس بار ڈومیسٹک کنٹریکٹس میں تین کے بجائے چار کیٹیگریز متعارف کرائی گئی ہیں۔ ان میں کیٹیگری “اے” میں 30 کھلاڑی، “بی” میں 55 کھلاڑی، “سی” میں 51 کھلاڑی اور “ڈی” کیٹیگری میں 21 کھلاڑی شامل ہیں۔
پی سی بی کے مطابق اس اقدام کا مقصد ڈومیسٹک سطح پر زیادہ کھلاڑیوں کو موقع دینا اور کارکردگی کی بنیاد پر ان کی حوصلہ افزائی کرنا ہے۔
