پیکا ان کیلئے ہے جو صحافی نہیں بلکہ صحافی بن کر ریٹنگ کیلئے کام کرتے ہیں : طلال چوہدری

مسلم لیگ (ن) کے رہنما طلال چوہدری نے کہا ہے کہ پیکا قانون ان کے خلاف ہے جو صحافی نہیں لیکن صحافی بن کر ریٹنگ کے لیے سنسنی پھیلاتے ہیں۔
میڈیا سے گفتگو کرتے ہوئے طلال چوہدری نے کہا کہ جب کبھی باہر سے کوئی مہمان آتا ہےتو پی ٹی آئی نے احتجاج کرنا ہوتا ہے۔
پیکا ایکٹ کے خلاف 8 فروری کو آواز اٹھائیں گے : اسد قیصر
طلال چوہدری نے بتایا کہ پیکا ایکٹ کا صحافیوں یا صحافت سے کوئی تعلق نہیں، صحافی اور دیگر لوگ پیکا قانون کو خود سے نہ جوڑیں، پیکا قانون ان کے خلاف ہے جو صحافی نہیں لیکن صحافی بن کر ریٹنگ کے لیے سنسنی پھیلاتے ہیں، اس لیے سوشل میڈیا کو ریگولیٹ کرنا ضرورت ہے۔
انہوں نے مزید کہا کہ دنیا میں جب کوئی قانون بنتا ہے تو آئیڈیل نہیں ہوتا وقت کے ساتھ ترامیم ہوتی ہیں، حکومت کی کوئی ایسی نیت نہیں کہ پیکا قانون کا غلط استمال کیا جائے۔