عوام کو سیلاب سےبچانے کیلئےپیشگی اقدامات کئےجائیں،وزیراعظم
وزیراعظم شہبازشریف کاکہناہے کہ مون سون کی بارشوں کےدوران عوام کو سیلاب سے بچانے کیلئےپیشگی اقدامات کئےجائیں۔
وزیراعظم محمد شہباز شریف سے گورنر خیبرپختونخوا فیصل کریم کنڈی نے اسلام آباد میں اہم ملاقات کی، جس میں انہوں نے سانحہ سوات سے متعلق تفصیلی بریفنگ دی۔
ملاقات کے دوران گورنر نے دریائے سوات میں پیش آنے والے افسوسناک واقعے پر وزیراعظم کو آگاہ کیا۔ وزیراعظم نے قیمتی انسانی جانوں کے ضیاع پر گہرے رنج و غم کا اظہار کیا اور متعلقہ اداروں کو ہدایت کی کہ ایسے واقعات کی روک تھام کے لیے اپنی صلاحیتوں میں اضافہ کریں۔
دونوں رہنماؤں کے درمیان ملاقات میں مجموعی ملکی صورت حال پر بھی تبادلہ خیال ہوا۔
وفاقی وزیر برائے کشمیر، گلگت بلتستان و سرحدی امور انجینئر امیر مقام، وفاقی وزیر پبلک افیئرز یونٹ رانا مبشر اقبال، وزیراعظم کے مشیر برائے سیاسی امور رانا ثناء اللہ، وزیر مملکت برائے پاور عبدالرحمان کانجو اور معاونِ خصوصی برائے سیاسی امور طلحہ برکی بھی ملاقات میں موجود تھے۔
