پی ٹی آئی نے معاہدے کے تحت عمران خان کو پابندسلاسل رکھاہے،فیصل واوڈا

سابق وفاقی وزیر سینیٹر فیصل واوڈا نے کہا ہے کہ پی ٹی آئی والوں نے فیصلہ سازوں کے ساتھ سمجھوتے کے تحت عمران خان کو جیل کےاندر رکھا ہوا ہے۔

سینیٹرفیصل واوڈ کا کراچی میں پریس کانفرنس کرتے ہوئے کہنا تھا کہ پاکستان کسٹمز ایجنٹس کی ایسوسی ایشن نے خط لکھا ہےکہ یہ لوگ 400 ارب روپے حکومت پاکستان کو دیتے ہیں،میں حیران ہوں کہ ہم کدھرجا رہے ہیں،حکومت کا نقصان ہورہا ہے۔

فیصل واوڈا نے کہا کہ سندھ اورپنجاب کے نوگو علاقوں کیلئے فوج کو بلایا جا رہا ہے،جب ہر چیز کیلئے فوج کو بلایا جاتا ہے تو تعریف بھی تو کریں،ہمارے پاس آرمی چیف ایک ٹیم لیڈر کا کردار ادا کررہے ہیں،آرمی چیف نے پہلے ہی ہدایات دی ہوئی ہیں،میں آپ لوگوں کا مسئلہ حل کرانے کیلئے آیا ہوں اور میرے کہنے پر ہڑتال ختم کررہے ہیں۔

سینیٹر فیصل واوڈا کا کہنا تھا کہ پاکستان کا ہمیں بھلا کرنا ہے،وزیرخزانہ اچھے آدمی ہیں،میں نے ابھی 50 ، 60 ارب کی چوری پکڑی ہےاس پرکام ہو رہا ہے،کاروباری شخصیت کے طور پر اپنی ذمہ داری قبول کرنی ہوگی۔

فیصل واوڈا کا مزید کہنا تھا کہ 15سال میں نے مڑ کر دیکھا توکوئی پیچھے کھڑا نہیں تھا،میں پہلے ہی کہہ رہا تھا ٹرمپ کارڈ نہیں چلے گا،پی ٹی آئی والے خود نہیں چاہتے کہ بانی پی ٹی آئی باہر آئیں،(ن) لیگ کی ضامن ہی پی ٹی آئی ہے،پی ٹی آئی والوں نے سمجھوتے کے تحت بانی پی ٹی آئی کو اندر رکھا ہے۔