عوامی مینڈیٹ ریوڑیاں ہیں نہ اب مرضی کاالیکشن نتیجہ چلے گا،فضل الرحمٰن
جےیوآئی کے سربراہ مولانا فضل الرحمٰن کاکہنا ہے کہ عوامی مینڈیٹ کوئی ریوڑیاں نہیں کہ آپ جس مرضی کو چاہے بخش دیں، عوام کی سوچ سے مختلف الیکشن کا نتیجہ اب نہیں چلے گا۔
کراچی میں جلسے سے خطاب کرتے مولانا فضل الرحمٰن نے کہا کہ اگر سعودی عرب کے بادشاہ نے ہمارے وزیراعظم کو بلا کر دو طرفہ دفاعی معاہدے پر دستخط کیے ہیں تو آپ کو یاد ہوگا کہ ہم نے ہر مرحلے میں یہ بات کی ہے کہ سعودی عرب اور پاکستان دونوں اسلامی دنیا کی قیادت کی صلاحیت رکھتے ہیں۔
مولانا فضل الرحمٰن نے کہا ہے کہ پاکستان اور سعودی عرب اسلامی دنیا کی قیادت کی صلاحیت رکھتے ہیں، دونوں ممالک کے درمیان دفاعی معاہدہ اسلامی دنیا کی مشترکہ دفاعی حکمت علی کا آغاز ہوگا۔
انہوں نے کاکہا کہ دونوں ممالک کے درمیان یہ معاہدہ اسلامی دنیا کی مشترکہ دفاعی حکمت علی کا آغاز ہوگا۔اسرائیل کے موقف کے خلاف ہمیں ہر فورم پر اپنا مضبوط موقف دینا چاہیے، جے یو آئی ( ف ) اپنے مسلمان بھائیوں کے شانہ بشانہ ہے، ہم دنیا کے سامنے اپنی تجاویز رکھیں گے۔
فضل الرحمٰن نے کہا کہ دوحہ میں مسلم ممالک کا اکٹھ ہونا اچھی بات تھی، مگر ہمیں اسلامی کانفرنس سے کوئی بڑی توقعات نہیں تھیں، لیکن اسلامی بلاک کی طرف اس کے لیے پہلا قدم ضرور ہے جس کی ہم حوصلہ افزائی کرتے ہیں۔
انہوں نے کہا کہ اسلامی دنیا سوچے کہ کہاں کہاں رکاوٹیں اور خلیج ہے کہ جسے ختم کیا جائے اور پاٹا جائے، ہم نے یہ بھی کہا تھا کہ اسلامی دنیا کی ایک مشترکہ دفاعی قوت ہونی چاہیے۔
مولانا فضل الرحمٰن نے کہا کہ جمعیت علمائےاسلام ( ف ) نے خیبرپختونخوا اور بلوچستان میں بد امنی پر آواز اٹھائی ہے اور جے یو آئی کی آواز امن کا پرچار کررہی ہے۔
