ماضی کی معروف اداکارہ صاحبہ نے انکشاف کیا ہے کہ انھوں نے شوہر ریمبو سے شادی اس لیے کی تھی کہ اس کی عمر نکلی جا رہی تھی، اور اسی وجہ سے ڈراموں میں بھی کام کرنا چھوڑ دیا تھا۔اداکارہ صاحبہ ماضی کی مقبول فلموں میں کام کر چکی ہیں، تاہم ریمبو سے شادی کے بعد انہوں نے ٹی وی سکرین کو خیر باد کہہ دیا تھا، حال ہی میں اداکارہ صاحبہ افضل نے مزاحیہ پروگرام مذاق رات میں شرکت کی جہاں انہوں نے کچھ مزاحیہ تبصرے کیے اور کیریئر سے متعلق گفتگو کی۔پروگرام کے شروع میں صاحبہ نے کہا کہ ان کا غصہ بہت شدید ہے، وہ اکثر اپنا غصہ ریمبو پر نکال لیتی ہیں، میں اپنے آپ کو بھی یہی مشورہ دیتی ہوں کہ غصے پر کنٹرول رکھوں، ڈراموں یا فلموں میں کام نہ کرنے کی وجہ پر گفتگو کرتے ہوئے اداکارہ نے کہا کہ مجھے لگتا ہے کہ ریمبو وہ انسان ہیں جو مجھے اپنی زندگی میں ہمیشہ سے چاہئے تھے، ان کی سچائی، پیار اور خلوص کی وجہ سے میں شوبز کو بھول گئی۔اداکارہ نے مزید کہا کہ ان کا پہلا پیار ریمبو نہیں بلکہ شوبز انڈسٹری تھی، میں پہلی بار بتانا چاہتی ہوں کہ میرا پہلا پیار ریمبو نہیں بلکہ شوبز انڈسٹری تھی، آپ اپنا پہلا پیار نہیں بھول سکتے، مجھے اپنے کام سے بہت عشق رہا ہے۔مزاحیہ انداز میں کہا کہ جب عشق کے ساتھ محبت ہوئی تو میرا کام عدم توازن کا شکار ہوگیا، اس وقت شادی کرنی اس لیے ضروری تھی کیونکہ ریمبو صاحب کی عمر نکلی جا رہی تھی۔صاحبہ افضل نے اداکار اور کامیڈین جان افضل سے 90 کی دہائی میں شادی کی تھی، دونوں کے دو نوجوان بیٹے بھی ہیں، حال ہی میں ریمبو اور صاحبہ نے ایک ساتھ شادی کے 25 سال مکمل ہونے کی سالگرہ منائی تھی، قبل ازیں جوڑے نے سال کے شروع میں ’دی ٹاک ٹاک شو‘ میں شرکت کی جہاں ریمبو نے شادی کی پرائیویسی کی اہمیت پر زور دیتے ہوئے کہا کہ جوڑوں کے درمیان کسی بھی قسم کے تنازعات اور لڑائی جھگڑوں کو خاندان کے دیگر افراد سے خفیہ رکھا جانا چاہئے۔انہوں نے کہا تھا کہ ’اگر جوڑے کے درمیان لڑائی ہو جائے تو نہ مرد کے گھر والوں کو پتا چلے اور نہ ہی عورت کے گھر والوں کو معلوم ہونا چاہئے، آپ کی لڑائی آپ دونوں کے درمیان ہے، یہ آپ کے دوستوں تک بھی نہیں پہنچنی چاہئے، کچھ اچھے دوست ہوتے ہیں جو صلح کرنے کی کوشش کروائیں گے، لیکن آج کے معاشرے میں ہر کوئی اتنا منفی ہوگیا ہے، وہ لوگوں کو توڑنے کی کوشش کرتے ہیں اور اُکسانے لگتے ہیں، یہ بہت خطرناک ہے۔ریمبو نے یہ بھی کہا تھا کہ ’فیملی کے اندر بھی ہمیشہ ایک ایسا شخص ہوتا ہے جس کے پاس کچھ نہ کچھ کہنےکو ضرور ہوتا ہے، بہت کم ایسی مائیں، بہنیں اور بیٹیاں ہیں جو کہیں

190 ملین پائونڈ سکینڈل پر عمران خان سے ڈھائی گھنٹے تفتیش

گی، نہیں۔