لاہور ہائیکورٹ نےشہر کے ماسٹر پلان 2050 پر عملدرآمد معطل کردیا

لاہور ہائیکورٹ نےشہر کے ماسٹر پلان 2050 پر عملدرآمد معطل کردیا۔

عدالت عالیہ کے جسٹس شاہد کریم نے شہری میاں عبدالرحمان کی درخواست پر سماعت کی ۔

سماعت کےدوران شہری نے اپنی درخواست میں مؤقف اپنایا کہ لاہور کے زرعی رقبے کو بلاجواز شہری علاقے میں تبدیل کیا گیا، ماسٹر پلان کو منظور کروانے میں ڈیویلپر مافیا ملوث ہے ۔

دوران سماعت جسٹس شاہد کریم  نے کہا کہ لاہور کے شہریوں کو مارا جارہا ہے، شہریوں کا سانس لینا تک مشکل ہوچکا ہے، حکومت لاہور میں اسموگ کنٹرول کرنے میں دلچسپی نہیں لے رہی ۔

بعد ازاں عدالت نے چیف سیکرٹری ، ڈی جی ایل ڈی اے، سیکرٹری ماحولیات سمیت دیگر فریقین کو نوٹس جاری کرتے ہوئے لاہور کے ماسٹر پلان 2050 پرعملدرآمد معطل کردیا۔

پنجاب اسمبلی اجلاس میں ڈاکو، ڈکو،اعتماد کا ووٹ لو کے نعرے