ECPنےالیکشن کی تاریخ پر صدر کیساتھ مشاورت سے انکار کر دیا
الیکشن کمیشن آف پاکستان نے صدر مملکت عارف علوی کے ساتھ انتخابات کی تاریخ پر مشاورت سے انکار کردیا ہے۔
صدر مملکت ڈاکٹر عارف علوی نے پنجاب اور خیبر پختونکوا اسمبلیوں کے اناتخابات کے لئے الیکشن کمیشن کو خط لکھا تھا ، جس میں انہوں نے ملاقات اور مشاورت کی دعوت دی تھی۔
چیف الیکشن کمشنر نے صدر مملکت کو گزشتہ روز جوابی خط بھجوایا تھا ، اس خط میں انہوں نے صدر مملکت کی جانب سے خط میں استعمال کئے گئے الفاظ پرتحفظات کا اظہار کیا تھا،صدر مملکت نے انتخابات کی تاریخ کے لیے پیر کو اجلاس بھی بلایا ہے تاہم الیکشن کمیشن نے اب صدر مملکت کے ساتھ صوبوں کے انتخابات کی تاریخ پر مشاورت سے انکار کردیا ہے۔ اس حوالے سے ایوان صدر کو عبوری فیصلے سے بھی آگاہ کر دیا گیا ہے۔
الیکشن کمیشن کو قانونی ٹیم نے ایوان صدر کے اجلاس میں شرکت نہ کرنے کی تجویز ی ہے، الیکشن کمیشن کو بتایا گیا ہے کہ صدر مملکت کے ساتھ صوبائی انتخابات پر مشاورت کی کوئی آئینی حیثیت نہیں۔اس لئے اجلاس میں شرکت نہیں کرنا چاہیے۔ایوان صدر کو بتایا گیا ہے کہ انتخابات کی تاریخ کا معاملہ مختلف عدالتوں میں زیرالتوا ہے۔ عدالتوں میں زیرالتوا معاملے پر صدرمملکت سے مشاورت نہیں کرسکتے۔
