پنجاب کے حالات بہت بہتر ہیں، الیکشن وقت پر ہوں گے
پنجاب کی نگران حکومت کے وزیر اطلاعات عامر میر نے بتایا ہے کہ پنجاب میں حالات باقی صوبوں سے بہت بہتر ہیں، الیکشن وقت پر ہی ہوں، لاہور کے ایک کونے میں حالات خراب کیے جا رہے تھے جس پر قابو پا لیا گیا ہے ۔لاہور میں زمان پارک کے قریب نو گو ایریا کو ختم کیا گیا ہےا۔
نگران وزیر اطلاعات کے مطابق زمان پارک کے اندر سے فائرنگ کی گئی ہے جس کے بعد پولیس نے کارروائی کرتے ہوئے آپریشن مکمل کیا، انھوں نے بتایا کہ کارکنوں نے دفعہ 144 کی خلاف ورزی کی ہے۔انھوں نے کہا کہ پولیس پرحملوں کے باعث جس پر مقدمات ہوئے تھے، نوگو ایریا ختم کیا جا رہے، قانون کی عملداری کرائی جا رہی ہے۔ ریاست کی رٹ قائم کرنے کےلیے آپریشن ہو رہا ہے۔
آئی جی پنجاب کے ساتھ مشترکہ پریس کانفرنس کرتے ہوئے نگران وزیر اطلاعات عامر میر اور آئی جی پنجاب نے لاہور کے زمان پارک کیخلاف آپریشن کے بارے میں بریفنگ دیتے ہوئے بتایا کہ آپریشن کے دوران زمان پارک سے مزاحمت کی گئی جس پر دروازہ توڑ کر اندر داخل ہونا پڑا، جبکہ اندر سے پیٹرول بھی پھینکے گئے، چالیس کے قریب کارکنوں کو گرفتار کیا ہے، بے گناہ افراد کو رہا کر دیا جائے گا۔زمان پارک سے اسلحہ بھی برآمد کیا گیا ہے۔
انہوں نے کہا کہ عدالت کے اصرار پرپنجاب کی انتظامیہ کا تحریک انصاف سے معاہدہ ہوا، طے ہوا ہے کہ تحریک انصاف کا جلسہ اتوار کے بجائے پیر کو ہوگا اور پی ٹی آئی آئندہ جلسے کے لیے 15 دن پہلے انتظامیہ کو نوٹس دے گی، زمان پارک میں پرائیویٹ سکیورٹی گارڈز کا انٹرنل آڈٹ ہوگا۔
عامر میر کا کہنا تھاکہ طے ہوا ہے جو14 اور 15 مارچ کو مقدمات درج ہوئے سرچ وارنٹس کی تکمیل میں تعاون ہوگا جو معاہدے میں لکھا گیا ہے میرا نہیں خیال کوئی رکاوٹ ڈالی جائے گی، جب بھی دفعہ 144 نافذ کی اس کی وجہ تھی۔
انہوں نے کہاکہ میں نے عسکریت پسند کا لفظ استعمال کیا تھا اور کہاتھا کہ کے پی سے آئے عسکریت پسند زمان پارک میں ہیں، اقبال احمد کا ویڈیو بیان بھی آچکا ہے جس میں وہ کہہ رہا ہے کہ زمان پارک میں ہوں، بسم اللہ اور عبداللہ کا نام بھی ہمارے پاس آیا ہے جو زمان پارک میں ہیں، یہ لوگ اکیلیے نہیں اپنا اپنا جھتا ساتھ لائے تھے۔
نگران وزیراطلاعات کا کہنا تھاکہ جو لوگ 14 اور 15 مارچ کو تشدد میں شامل رہے ہیں، ان کے خلاف کارروائی ہونی ہے۔
