پنجاب حکومت، پی ٹی آئی کے درمیان معاہدہ طے پاگیا

عدالتی وارنٹس اور سرچ وارنٹس کی تکمیل کے لیے پنجاب حکومت اور پی ٹی آئی کے درمیان معاہدہ طے پا گیا ہے، معاہدہ لاہور ہائیکورٹ میں جمع کروا دیا گیا ہے۔

معاہدے کے تحت تحریک انصاف وارنٹس کی تکمیل اور سرچ وارنٹس کے لیے پولیس کے ساتھ تعاون کرے گی، پی ٹی آئی 14 اور 15 مارچ کو درج ہونے والے مقدمات کی تفتیش میں تعاون کرے گی۔

معاہدے کے مطابق طے پایا ہے کہ جلسہ 21 مارچ کو ہوگا اور ڈی سی لاہور کو باقاعدہ درخواست دی جائے گی، ڈپٹی کمشنر پی ٹی آئی کے جلسے کی درخواست کو قانون کے مطابق دیکھیں گے، زمان پارک کے اندر پرسنل اور پرائیویٹ سیکیورٹی کا آڈٹ کیا جا سکے گا، ضرورت پڑنے پر ڈی آئی جی سکیورٹی بانڈ لینے کا مجاز ہوگا۔

ذرائع کے مطابق پولیس کی جانب سے ایس ایس پی عمران کشور فوکل پرسن ہوں گے جب کہ تحریک انصاف کی طرف سے شبلی فراز اور علی خان کو فوکل پرسن مقرر کیا گیا ہے۔

پی ٹی آئی کو دہشتگرد جماعت کے طور پر ڈیل کیا جائے