جلد ہی کچھ جج عدلیہ سے مستعفی ہوجائیں گے : عرفان صدیقی
مسلم لیگ ن کے سینیٹر عرفان صدیقی کا کہنا ہے کہ لگتا ہے مایوسی کی جھنجھلاہٹ میں پی ٹی آئی پارلیمنٹ اور کچھ جج عدلیہ سے باہمی مفاد کی خاطر مستعفیٰ ہو جائیں گے۔
سوشل میڈیا پر جاری اپنے پیغام میں مرکزی رہنما مسلم لیگ ن سینیٹر عرفان صدیقی کا کہنا تھا کہ قائمہ کمیٹیاں پارلیمنٹ کی روح ہیں اور پی ٹی آئی پارلیمنٹ میں موجود ہے تو بہتر ہے قائمہ کمیٹیوں میں بھی رہے۔پی ٹی آئی اپنا جمہوری کردار ادا کرے۔
لیگی رہنما عرفان صدیقی نے کہا کہ حالات کی رفتار بتا رہی ہےکچھ عرصے میں پی ٹی آئی پارلیمنٹ اور کچھ جج عدلیہ سے باہمی مفادکی خاطر مستعفیٰ ہو جائیں گے۔
سینیٹر عرفان صدیقی کا کہنا تھا کہ ہدف کیا ہے؟ ہدف آگے بڑھتے پاکستان کو پھر کسی بڑے بحران میں دھکیلنا ہے اور امکان کیا ہے ؟ ایک اور بڑی ناکامی،ایک اور بڑی رسوائی۔
