افغان شہریوں کی امریکا منتقلی روک دی گئی

نو منتخب امریکی صدر ڈونلڈ ٹرمپ کے ایک ایگزیکٹو آرڈر نے ہزاروں افغان شہریوں کی امریکا منتقلی روک دی۔

غیر ملکی میڈیا کی رپورٹ کے مطابق ایک امریکی عہدیدار نے کہا کہ صدر ڈونلڈ ٹرمپ کے غیر ملکی امداد روکنے سے متعلق حکم کے بعد  40,000 سے زیادہ افغان شہریوں کیلئے پروازیں معطل ہوگئی ہیں، ان افغان شہریوں کیلئے خصوصی امریکی ویزوں کی منظوری دی گئی تھی  اور انہیں طالبان کے انتقام کا خطرہ ہے۔

رپورٹ کے مطابق ان میں سے زیادہ تر شہری افغانستان میں ہیں، باقی پاکستان، قطر اور البانیہ میں ہیں

افغان شہریوں کی منتقلی میں تعطل ڈونلڈ ٹرمپ کی طرف سے 90 دنوں کیلئےغیر ملکی ترقیاتی امداد روکنے کے حکم کے باعث ہوئی ہے جب کہ اس دوران امریکی صدر کی  "امریکا فرسٹ” خارجہ پالیسی کے تناظر میں اس امداد کا جائزہ لیا جائے گا۔