چیمپئنز ٹرافی میں شرکت کیلئےآسٹریلین کرکٹ ٹیم لاہورپہنچ گئی
آئی سی سی چیمپئنز ٹرافی 2025 میں شرکت کے لئے آسٹریلین کرکٹ ٹیم لاہور پہنچ گئی۔
14رکنی دستے میں آسٹریلیا کے کوچز، کپتان سٹیو سمتھ اور سپورٹ سٹاف شامل ہیں،جو کولمبو سے براستہ دبئی لاہور پہنچے۔
ذرائع کے مطابق آسٹریلین ٹیم کا دوسرا دستہ بھی کچھ دیر بعد لاہور پہنچ گیا، لاہور پہنچنے والے آسٹریلوی کھلاڑیوں میں مارنوس لبوشین، گلین میکسویل، ٹریوس ہیڈ،میتھیو شارٹ اورایڈم زمپا و دیگر شامل ہیں۔
آسٹریلیا کی ٹیم آئی سی سی چیمپئنز ٹرافی میں اپنا پہلا میچ روایتی حریف انگلینڈ کے خلاف 22 فروری کو قذافی سٹیڈیم لاہور میں کھیلےگا،آسٹریلیا کا دوسرا میچ 25 فروری کو جنوبی افریقا کے ساتھ راولپنڈی کرکٹ سٹیڈیم میں ہوگا جبکہ آسٹریلیا اپنا آخری گروپ میچ 28 فروری کو افغانستان کے خلاف قذافی سٹیڈیم لاہور میں کھیلے گا۔
