امریکہ نےروس کیخلاف یوکرین کو مدد فراہم کرنے کیلئےجدید راکٹ سسٹم اورمزید جنگی سازوسامان فراہم کرنے کا اعلان کیا ہے۔
عالمی میڈیاکے مطابق امریکی صدر جو بائیڈن نے کہاہے کہ امریکہ یوکرین کو روس کیخلاف جنگ میں مدد کرنے کیلئے اسے جدید راکٹ سسٹم اور جنگی سازوسامان فراہم کرے گا ۔
میڈیا رپورٹس کے مطابق امریکی عہدیداروں نے منگل کے روز تصدیق کی کہ امریکہ یوکرین کو امریکی ساختہ ہائی موبلٹی آرٹلری راکٹ سسٹم یوکرین کو سکیورٹی امداد کے 11ویں پیکج کے حصے کے طور پر بھیجے گا۔بدھ کو باضابطہ طور پر اعلان کیے جانے والے نئے سکیورٹی امدادی پیکیج میں فضائی نگرانی کے ریڈار، اضافی ٹینک، اینٹی آرمر ہتھیار، ہیلی کاپٹر،گاڑیاں اور سپیئر پارٹس بھی شامل ہوں گے۔

میڈیا رپورٹس میں بتایا گیا کہ امریکی صدر کا کہنا تھا کہ یوکرین کو خودمختار،آزاد،خوشحال اور دفاعی صلاحیت سے لیس دیکھنا چاہتےہیں،ہتھیاروں کی نئی کھیپ یوکرین کو میدان جنگ میں اہم اہداف کو نشانہ بنانے کے قابل بنائے گی۔

توشہ خانہ لوٹنے والے کپتان نے سعودی شہزادے کو کیسے ناراض کیا؟

واضح رہے کہ امریکی میڈیا کے مطابق نئے امریکی جدید راکٹ سسٹم سے یوکرین 49 میل دور تک ہدف کو نشانہ بنانے کے قابل ہوجائے گا۔