بندر نے سری لنکا کی بجلی بند کر دی

سری لنکا میں انوکھا واقعہ،بندرنےگرڈسٹیشن میں گھس کر پورے سری لنکا کی بجلی بند کردی۔

سری لنکا میں آج ہونے والے بجلی کے طویل بریک ڈاؤن کی وجہ سے معمولات زندگی معطل ہو کر رہی گئی،ابتدائی طور پر اس کا سبب ایک بندر کو ٹہرایا گیا ہے۔

غیر ملکی خبر رساں ادارےکا کہنا ہے کہ آج ہونیوالے بریک ڈاؤن کی وجہ سے ملک بھر میں معمولات زندگی معطل ہوگئی،جبکہ اسپتالوں میں متعدد آپریشن منسوخ کرنا پڑے۔

سری لنکن حکام کا کہنا ہے کہ جنوبی کولمبو میں گرڈ اسٹیشن میں آج صبح 11 بجے تکنیکی خرابی پیدا ہو گئی تھی،انجنیئرزاور عملے نے 3 گھنٹے کی کوششوں کے بعد بجلی بحال کی۔حکام کے مطابق اب بھی متعدد علاقے بجلی سے محروم ہے،جہاں بجلی کی بحالی کیلئےعملہ کام کر رہا ہے۔

دلچسپ بات یہ کہ ملک میں بجلی کے اس بریک ڈاؤن کا ذمہ دار ایک بندر کو ٹہرایا گیا ہے،وزیرتوانائی کمارا جیا کوڈے کے مطابق گرڈ اسٹیشن میں ایک بندر گھس گیا تھا جس کی گرڈکے آلات کے ساتھ چھیڑچھاڑ کی وجہ سے بجلی کی فراہمی معطل ہوئی۔

غیر ملکی خبر رساں ادارے کا کہنا ہے کہ اس بریک ڈاؤن میں بندر کی کارستانی کے حوالے سے مزید کوئی تفصیل سامنے نہیں آئی ہے۔