خیبر پختونخوا میں پولیو کا 19 واں کیس رپورٹ ، کیسز کی تعداد 30 ہوگئی
پاکستان میں پولیو وائرس کا ایک اور مریض سامنے آگیا ہے۔
وزارت صحت کے ذرائع کے مطابق، پولیو سے متاثرہ 12 ماہ کا بچہ خیبر پختونخوا کے ضلع تورغر کی تحصیل کندار کا رہائشی ہے۔
ذرائع کا کہنا ہے کہ متاثرہ بچے میں پولیو کی علامات 19 ستمبر 2025 کو ظاہر ہوئیں۔
رپورٹس کے مطابق، خیبر پختونخوا میں رواں سال پولیو کے یہ 19 ویں کیس کے طور پر سامنے آیا ہے، جبکہ 2025 کے دوران ملک بھر میں اب تک پولیو کیسز کی مجموعی تعداد 30 تک پہنچ چکی ہے۔
