فلم ’ستلج‘ کی اصل کہانی نے بھارتی مظالم کوبےنقاب کردیا

بھارت میں انسانی حقوق کے سنگین مسائل اور اقلیتوں پر مظالم کی عکاسی کرتی فلم ’ستلج‘ نے انڈین سنسر بورڈ اور حکومتی پابندیوں کے باوجود دنیا بھر میں مقبولیت کے نئے ریکارڈ قائم کر دیے ہیں۔

او ٹی ٹی پلیٹ فارم سے اچانک ہٹائے جانے کے بعد یہ فلم اس وقت واٹس ایپ اور دیگر سوشل میڈیا پلیٹ فارمز پر سب سے زیادہ شیئر ہونے والی فلم بن چکی ہے، جس نے سکھوں پر ماضی میں ہونے والے مظالم کی سچی داستان کو ایک بار پھر عالمی سطح پر زندہ کر دیا ہے۔

یہ فلم 80 اور 90 کی دہائی میں انڈین پنجاب کے ہولناک اور تاریک ترین دور کی عکاسی کرتی ہے۔ فلم کی کہانی مشہور سکھ رہنما اور انسانی حقوق کے سرگرم کارکن جسونت سنگھ کھالڑا کی زندگی اور ان کی بہادرانہ جدوجہد پر مبنی ہے۔