ٹرمپ کا یوٹرن،ایران سےمذاکرات یا کسی آفرکی تردید کردی
امریکی صدر ڈونلڈ ٹرمپ نےیوٹرن لیتے ہوئے ایران کے ساتھ کسی بھی قسم کے مذاکرات یا کسی آفرکی سختی سے تردید کردی۔
ڈونلڈ ٹرمپ نے کہا کہ ایران سے بات نہیں کررہا تھا اور نہ ہی ایران کو کچھ آفر کر رہا تھا۔ایک بار پھر یہ واضح کیا کہ امریکا نے ایران کی جوہری تنصیبات کو مکمل طور پر ختم کر دیا ہے۔
واضح رہے کچھ روز قبل امریکی صدر ٹرمپ نے اپنے ایک بیان میں کہا تھا کہ اگلے ہفتے ایران سے بات ہوگی اور معاہدے پر دستخط بھی ہوسکتے ہیں۔
امریکی ٹی وی نے بھی یہ دعویٰ کیا تھا کہ ایران امریکا مذاکرات میں واشنگٹن کی جانب سے ایران کو اقتصادی پابندیاں ختم کرنے کی پیشکش کا امکان ہے تاہم ایرانی وزیر خارجہ عباس عراقچی کی جانب سے ٹرمپ کے بات چیت کے دعوے کی تردید کردی گئی تھی۔
