عثمان خواجہ نےٹیسٹ میں ڈبل سنچری بناڈالی

آسٹریلوی اوپنرعثمان خواجہ نےپہلی مرتبہ ٹیسٹ میں ڈبل سنچری اسکور کرکے چند اہم ریکارڈنام کرلیا۔

عثمان خواجہ نےسری لنکا کیخلاف پہلے ٹیسٹ میچ کےدوران ڈبل سنچری اسکور کرنے کااعزاز اپنے نام کیا۔

 عثمان خواجہ پہلےآسٹریلوی بلےباز ہیں جنہوں نے سری لنکا کی سرزمین پر ڈبل سنچری بنائی۔

48سالہ آسٹریلوی اوپنر نے290 گیندوں کاسامنا کرتے ہوئے ڈبل سنچری اسکور کی۔

آسٹریلوی اوپنرعثمان خواجہ سے قبل سابق آسٹریلوی کھلاڑی مارک ٹیلر، گریگ چیپل، ڈین جونز، میتھیو ہیڈن اور جیسن گلیسپی ایشیا میں ڈبل سنچری اسکور کر چکے ہیں۔ اس طرح، ایشیا میں ڈبل سنچری بنانے والے وہ چھٹے بلے باز ہیں۔

واضح رہے کہ ٹیسٹ کے پہلے روز کپتان اسٹیو اسمتھ ٹیسٹ میں10ہزار رنز مکمل کرنے والے آسٹریلیا کے چوتھے بلے باز بن گئے تھے۔میچ کے دوسرے روز اسٹیو اسمتھ 141 رنز بنا کر وکٹ گنوا بیٹھے۔

اننگز کے اعتبار سے دیکھا جائے تو اسٹیو اسمتھ 205 اننگز میں 10ہزار رنز مکمل کرنے والےدنیا کے پانچویں بلے باز بن گئے ہیں جبکہ مجموعی طور پر یہ سنگل میل عبور کرنےوالے دنیا کے 15ویں کھلاڑی ہیں۔

Back to top button