ویمنز ورلڈکپ: آسٹریلیا کی ٹیم پاکستان کے خلاف مشکلات کا شکار

ویمنز ورلڈ کپ کے گروپ میچ میں دفاعی چیمپئن آسٹریلیا پاکستان کے خلاف ابتداء میں ہی مشکلات کا شکار ہوگئی۔

تفصیلات کے مطابق کولمبو کے پریماداسا سٹیڈیم میں پاکستان نے ٹاس جیت کر آسٹریلیا کو پہلے بیٹنگ کرنے کی دعوت دی تو آسٹریلوی اوپنرز نے 30 رنز کا آغاز فراہم کیا۔

تاہم ساتویں اوور میں کپتان ایلیسا ہیلی 20 رنز بناکر آؤت ہوئیں تو تین گیندوں بعد ہی ساتھی اوپنر لچفیلڈ بھی مجموعی اسکور میں بغیر کسی اضافے کے 10 رنز پر پویلین لوٹ گئیں۔

آسٹریلوی ٹیم کی وکٹیں گرنے کا سلسلہ جاری رہا اور صرف 60 رنز پر آدھی ٹیم پویلین واپس لوٹ گئی۔

ایلیس پیری پانچ، اینابیل سدرلینڈ اور ایشلے گارڈنر ایک ایک رن بناکر آؤٹ ہوئیں۔

پاکستان کی جانب سے نشرہ سندھو نے دو جب کہ فاطمہ ثناء، سعدیہ اقبال اور رامین شمیم نے ایک ایک وکٹ حاصل کی۔