سپیکرکےگھروزیراعظم کی پی پی رہنماؤں سے ملاقات کی اندرونی کہانی آ گئی
وزیراعظم شہبازشریف کی سپیکرسردار ایازصادق کی رہائش گاہ پرپیپلزپارٹی کے رہنماؤں سے ملاقات کی اندرونی آ گئی۔
ذرائع کے مطابق گزشتہ روزوزیراعظم اسپیکر ایازصادق کی خصوصی دعوت پر ان کے گھر آئےجہاں پیپلز پارٹی کے رہنما بھی موجود تھے۔ملاقات میں پیپلزپارٹی اور ن لیگ کےدرمیان تلخیاں کم کرنےپرتفصیلی بات چیت ہوئی۔
شہبازشریف سے ملاقات میں شازیہ مری نے نہروں کا معاملہ اٹھایا، خورشید شاہ اور اعجاز جکھرانی نےپاور شیئرنگ فارمولے پر عملدرآمد پر زور دیا۔
وزیراعظم شہباز شریف کا کہنا تھا کہ پیپلزپارٹی کو ساتھ لے کر چلنا ہماری ترجیحات میں شامل ہے،چھوٹےچھوٹے سیاسی معاملات کو حل کرلیں گے، اگر مسائل حل نہ ہوئے تو ایازصادق ہم سے زیادہ آپ کے دوست ہیں یہ حل کروا دیں گے۔
ذرائع کا کہنا ہےکہ وزیراعظم کا یہ بھی کہنا تھا کہ ایاز صادق نے توپی ٹی آئی سے بھی مذاکرات جاری رکھنےکی پوری کوشش کی، پیپلزپارٹی اور ہماری جمہوریت کے لیے جدوجہد ایک جیسی ہے، بات چیت اور مذاکرات سےمسائل حل کرلیں گے۔جبکہ وزیراعظم نے ڈپٹی اسپیکر غلام مصطفیٰ شاہ کےبیٹےکو تحائف دیے اور شادی کی مبارک باد دی۔
