جی جی حدید اور زین ملک کے درمیان علیحدگی

بیٹی کی پیدائش کے ایک سال بعد پاکستانی نژاد برطانوی گلوکار 28 سالہ زین ملک اور 26 سالہ فلسطینی نژاد امریکی ماڈل جی جی حدید کے درمیان علیحدگی کی اطلاعات ہیں۔دونوں نے ابھی تک شادی نہیں کی ہے لیکن وہ کئی سالوں سے رشتے میں ہیں اور ستمبر 2020 میں ان کی ایک بیٹی خائی حدید کی پیدائش ہوئی۔

معروف امریکی میگزین ’پیپل‘ نے مختلف ذرائع کے حوالے سے بتایا کہ جی جی حدید اور زین ملک کے درمیان بیٹی کی پرورش کے معاملے پر جھگڑا ہوا جس کے بعد دونوں میں علیحدگی ہوگئی۔رپورٹ میں دیگر ویب سائٹس کی خبروں کا بھی حوالہ دیا گیا اور کہا گیا کہ کچھ نشریاتی اداروں کے مطابق زین ملک نے مبینہ طور پر اپنی ساس یلندا حدید پر تشدد کیا تھا۔

برطانوی اخبار دی سن نے یہ بھی رپورٹ کیا کہ یلندا حدید نے دعویٰ کیا کہ ان کے داماد نے انہیں تشدد کا نشانہ بنایا اور وہ ان کے خلاف پولیس رپورٹ درج کرانے کا ارادہ رکھتی ہیں۔مختلف ذرائع اور دیگر ویب سائٹس کی خبروں کا حوالہ دیتے ہوئے رپورٹ میں کہا گیا کہ زین ملک اور جی جی حدید اس واقعے کے بعد الگ ہو گئے۔

رپورٹس کے مطابق زین ملک اور یلندا حدید کے درمیان بیٹی کی پرورش کے معاملے پر جھگڑے کے بعد یہ معاملہ بڑھ گیا۔امریکی اور برطانوی میڈیا رپورٹس کے مطابق زین ملک نے بھی ٹویٹ کیا اور کہا کہ انہوں نے میڈیا رپورٹس میں پڑھا ہے کہ ان کے اور ان کی ساس کے درمیان جھگڑا ہوا تھا۔

انہوں نے میڈیا رپورٹس کو غیر ذمہ دارانہ قرار دیتے ہوئے لکھا کہ ایسی خبریں تھیں کہ زین ملک اور جی جی حدید نے بیٹی کی پرورش کے بعد علیحدگی اختیار کرلی۔گلوکار نے اپنے طویل ٹویٹ میں لکھا کہ جیسا کہ سب جانتے ہیں کہ وہ معاملات کو نجی رکھنے کے حق میں ہیں اور وہ ایک ہی خاندان کے تمام افراد کے مسائل کو بھی نجی رکھنے کے حق میں ہیں۔

انہوں نے اپنے ٹوئٹ میں تصدیق کی کہ ان کی فیملی کے ایک فرد سے اپنی بیٹی کی پرورش کو نجی رکھنے کے حوالے سے بات ہوئی اور اس معاملے سے بچنے کے لیے خاموش رہنے کا فیصلہ کیا۔زین ملک نے یہ بھی لکھا کہ بیٹی کی پرورش کا معاملہ اس وقت سامنے آیا جب ان کے ساتھی (جی جی) حدید کئی ہفتوں سے ان سے دور تھے۔

گلوکار نے لکھا کہ یہ معاملہ ابھی بھی نجی معاملہ ہے اور وہ اسے ذاتی طور پر خاندان میں حل کرنے کی کوشش کر رہے ہیں اور وہ اپنی بیٹی کی پرورش کے لیے ایک ماں کی طرح ذمہ دار ہیں۔انہوں نے لکھا کہ چاہے کچھ بھی ہو جائے، وہ اپنی بیٹی خائی حدید کی پرائیویسی اور بہتر پرورش کو برقرار رکھنا چاہتے ہیں۔زین ملک نے یہ نہیں بتایا کہ جی جی حدید ان سے کیوں دور ہیں اور کیا انہوں نے واقعی اپنی ساس یلندا حدید کے خلاف ہاتھ اٹھایا یا ان کی توہین کی تاہم انہوں نے ایسی خبروں کو افواہ قرار دیا۔

واضح رہے کہ اگرچہ جی جی حدید اور زین ملک نے ستمبر 2020 میں بیٹی کو جنم دیا تھا تاہم انہوں نے ابھی تک واضح طور پر اپنی شادی کی تصدیق نہیں کی۔دونوں کے درمیان ابتدائی طور پر 2015 میں تعلقات تھے لیکن تین سال بعد 2018 میں نامعلوم وجوہات کی بنا پر علیحدگی ہو گئی۔

دو سال کی علیحدگی کے بعد، دونوں نے مبینہ طور پر 2020 کے اوائل میں صلح کر لی تھی اور انہیں ایک ساتھ دیکھا گیا تھا، اور بعد میں تصدیق کی تھی کہ ستمبر 2020 میں ان کی ایک بیٹی ہے لیکن اب بیٹی کی پیدائش کے ایک سال بعد خبریں آرہی ہیں کہ بیٹی کی پیدائش اور تربیت پر اختلافات کے بعد دونوں میں علیحدگی ہوگئی۔