چند گھنٹوں کے بعد اسنیپ چیٹ کی سروس بحال ہو گئی۔
چند گھنٹوں کے بعد اسنیپ چیٹ کی سروس بحال ہو گئی۔
دی ورج کی رپورٹ کے مطابق گزشتہ شب چند گھنٹوں کے لیے اسنیپ چیٹ کی سروس متاثر ہوئی جس کی وجہ سے صارفین کی جانب سے اسنیپ اسٹریکس استعمال کرنے سے متعلق شکایات سامنے آئیں۔
ہم اس بات سے آگاہ ہیں کہ اسنیپ چیٹرز کو اس وقت ایپ کے استعمال میں مشکلات کا سامنا ہے، ہم اس معاملے کو دیکھ رہے ہیں۔
تاہم اسنیپ چیٹ کی سروس میں پیش آنے والی خرابی کا ماخذ واضح نہیں تھا لیکن یہ گزشتہ دنوں فیس بک، واٹس ایپ اور انسٹاگرام کی سروس میں ہونے والے مسئلے سے مختلف تھا۔
اسنیپ چیٹ ایپ کچھ صارفین کے لیے فعال تھی اور اگر صارف کچھ پوسٹ کرنے کی کوشش نہیں کررہے تھے تو انہیں سروس کے استعما؛ زیادہ مشکل محسوس نہ ہوئی۔
بعدازاں اسنیپ چیٹ سپورٹ ٹوئٹر اکاؤنٹ نے سروس میں آنے والی خرابی دور ہونے کی تصدیق کی۔
خیال رہے کہ گزشتہ دنوں فیس بک اور انسٹاگرام کی سروس متاثر ہوئی تھی جس کی وجہ سے صارفین کو کئی گھنٹوں تک سروس تک رسائی حاصل نہ ہوسکی تھی۔
4 اور 5 اکتوبر کی درمیانی شب پاکستان سمیت دنیا کے بڑے حصے میں فیس بُک، واٹس ایپ، انسٹا گرام اور میسنجر کی سروسز تقریباً 6 گھنٹے معطل رہنے کے بعد بحال ہوئی تھیں۔
بعدازاں 9 اکتوبر کی شب کوفوٹو شیئرنگ ایپ انسٹاگرام، فیس بک اور میسنجر تک رسائی کی شکایات بھی سامنے آئی تھیں۔
