27 ویں آئینی ترمیم : فریم ورک تیار، اگلے ہفتے پارلیمنٹ سے منظور کروانے کا امکان

وفاقی حکومت نے 27 ویں آئینی ترمیم کا فریم ورک تیار کرلیا ہے جسے اگلے ہفتے تک پارلیمنٹ سے مںظور کرائے جانے کا امکان ہے۔

ذرائع کے مطابق وفاقی حکومت کی جانب سے 27 ویں آئینی ترمیم کو پہلے سینیٹ میں پیش کرنے کا فیصلہ کیا گیا ہے۔ترمیم جمعہ کو سینیٹ میں پیش کی جائے گی، سینیٹ سے منظوری کےبعد آئینی ترمیم قومی اسمبلی میں لائی جائےگی۔ ترمیم پر دو ایوانوں میں بحث بھی کرائی جائےگی

ذرائع نے بتایا کہ وزارت قانون اور وزارت پارلیمانی امور نے سینیٹ سیکریٹریٹ کو آگاہ کردیا ہے اور آئینی ترمیم آئندہ ہفتے دونوں ایوانوں سے منظور کروائے جانے کا امکان ہے۔27ویں آئینی ترمیم پر مشاورت کےلیے پارلیمانی کمیٹی تشکیل دی جائےگی، جس میں سینیٹ اور قومی اسمبلی سے اراکین شامل ہوں گے،تمام سیاسی جماعتوں کے اراکین اور مرکزی قیادت کی نمائندگی ہوگی۔

ذرائع کاکہنا ہےکہ ترمیم کا مجوزہ ڈرافٹ پارلیمانی کمیٹی میں پیش کیا جائےگا، پارلیمانی کمیٹی سے منظوری کےبعد آئینی ترمیم کو پارلیمنٹ سے منظور کروایا جائے گا۔