پاکستانی کرکٹ ٹیم ’’نمبر ون‘‘ پوزیشن سے کیسے فرش پر آئی؟
بابراعظم کی قیادت میں پاکستانی ٹیم نے رواں برس کا زبردست آغاز کیا، نیوزی لینڈ کے خلاف ہوم سیریز میں نمایاں مارجن سے یکے بعد دیگرے فتوحات نے قومی ٹیم کو آئی سی سی رینکنگ میں نمبر پوزیشن پر پہنچا دیا لیکن اس کے بعد کارکردگی کا گراف نیچے آنا شروع ہوگیا۔قومی ٹیم نے رواں برس 2023کا آغاز بابراعظم کی قیادت میں نیوزی لینڈ کے خلاف کراچی میں ہونے والی ہوم ون ڈے سیریز سے کیا، جس میں1-2سے کامیابی حاصل کی، مئی میں کیویز دوبارہ پاکستان آئے تو ابتدائی 4 میچ پاکستان کرکٹ ٹیم نے جیت کرتاریخ میں پہلی بار آئی سی سی کی ون ڈے رینکنگ میں پہلی پوزیشن پر قبضہ کیا۔پاکستان نے سری لنکا میں افغانستان کو0-3 سے کلین سوئپ کیا۔ ایشیا کپ 2023 میں پاکستان کرکٹ ٹیم ٹاپ فیورٹ کے طور پر گئی لیکن اس سے قبل ہی فاسٹ باولر نسیم شاہ انجری کا شکار ہو گئے جن کی جگہ حسن علی نے لی تاہم کوئی قابل ذکر کارکردگی دکھانے میں ناکام رہے، دوسری جانب حارث رؤف اور شاہین شاہ کے ستارے بھی گردش میں آئے اور دونوں پیسرز کو ناکامیوں نے آن گھیرا اور ایشیا کپ میں شامل تمام ٹیموں نے ایسی پٹائی کی کہ لائن لینتھ کے ساتھ اسپیڈ بھی چلی گئی۔ایشیا کپ 2023 کے سپر فور مرحلے میں بھارت اور سری لنکا کے ہاتھوں شکستوں نے گرین شرٹس کو فائنل کی دوڑ سے باہر کردیا اور جو پاکستانی کرکٹ ٹیم کے بولرز کی کارکردگی پر ہر طرف سے تنقید ہونے لگی۔ایشیا کپ میں خراب ترین کارکردگی کے بعد ورلڈکپ 2023 میں بھی پاکستان کی کارکردگی ناقص رہی۔ ورلڈ کپ میں افغانستان جیسی ٹیم نے بھی قومی ٹیم کو بہ آسانی زیر کرلیا۔ پے درپے شکستوں کے بعد سیمی فائنل تک بھی رسائی حاصل نہیں کرپائی۔ورلڈ کپ کے بعد شدید تنقید کی زد میں آکر کپتان بابر اعظم تینوں فارمیٹس کی کپتانی سے الگ ہوگئے، ان کی جگی ٹیسٹ ٹیم کی قیادت شان مسعود جبکہ ٹی20 ٹیم کی قیادت شاہین شاہ آفریدی کے سپرد کی گئی۔گرین شرٹس نے 2023 میں 25 ون ڈے میچز کھیلے، 14 جیتے، 10میں شکست ہوئی، بابر اعظم نے سب سے زیادہ 1065رنز بنائے، محمد رضوان نے 1023 اور فخرزمان نے 864 رنز بنائے۔ شاہین آفریدی 42وکٹوں کے ساتھ سرفہرست رہے، حارث رؤف40 اورنسیم شاہ 22وکٹیں حاصل کرنے میں کامیاب ہوئے۔مجموعی طور8میں سے 4میچز میں شکست ہوئی،3 فتوحات حاصل ہوئیں،ایک میچ بے نتیجہ رہا۔ محمد رضوان سب سے زیادہ 162، افتخار احمد 160 جبکہ عماد وسیم 147رنز بناکر نمایاں رہے،سب سے زیادہ11وکٹیں حارث رؤف نے حاصل کیں،عماد وسیم نے 10شکار کیے جبکہ احسان اللہ نے 6 شکار کیے۔ٹیسٹ کرکٹ میں مڈل آرڈر بیٹر سعود شکیل 513 رنز بنا کر ٹاپ اسکورر رہے، دوسرے نمبر پر عبداللہ شفیق نے 353 رنز بنائے جبکہ آغا سلمان 330 رنز بنا کر تیسرے نمبر پر رہے، باولرز میں نوجوان سپنر ابرار احمد نے سب سے زیادہ 15 ، نسیم شاہ نے 13 جبکہ شاہین شاہ آفریدی نے 12 وکٹیں حاصل کیں۔
