پنجاب کے عوام وزیراعلی مریم نواز کی کارکردگی سے مطمئن

پنجاب کے عوام وزیراعلی مریم نواز کی کارکردگی سے مطمئن،انسٹیٹیوٹ فار پبلک اوپینین ریسرچ نے پنجاب حکومت کی 100 روزہ کارکردگی پر سروے رپورٹ جاری کر دی۔

تفصیلات کےمطابق 55فیصد افراد کا وزیراعلی مریم نواز کی 100 روزہ کارکردگی پر اظہار اطمینان،شہری علاقوں میں 28 جبکہ دیہی  علاقوں میں 42 فیصد افراد پنجاب حکومت کی کارکردگی سے غیر مطمئن ہیں۔

پیپلز پارٹی نے صرف وزارتیں نہیں لیں مگر تمام حکومتی معاملات میں شامل ہے: رانا ثناء اللہ

رپورٹ کے مطابق مجموعی طور پر سروے میں شامل 55 فیصد افراد نے وزیراعلی مریم نواز کی کارکردگی پر اطمینان کا اظہار کیا،60فیصدرائے- دہ ہندگان کے مطابق بطور وزیراعلی گزشتہ تین ماہ میں مریم نواز کی مقبولیت میں اضافہ ہو،رائے دہندگان کی اکثریت نے سستی روٹی پروجیکٹ کو سب سے پسندیدہ منصوبہ قرار دیا۔

حکومت پنجاب کے سستی روٹی منصوبے کو 44 فیصد رائے دہندگان نے بہترین اور پسندیدہ منصوبہ قرار دیا۔مفت  سولر پینلز کی فراہمی اور 200  موبائل کلینکس کے منصوبے کو گیارہ ،گیارہ فیصد مقبولیت ملی۔