سبزالائچی صحت کیلئے فائدہ مند قرار
ماہرین صحت نے سبزالائچی کو صحت کیلئے انتہائی مفید قرار دیتے ہوئے استعمال کامشورہ دیدیا۔
ماہرین صحت کاکہنا ہے کہ الائچی ہاضمہ بہتر کرنے میں مدد دیتی ہے۔ یہ بدہضمی، متلی، اور گیس کے مسائل کو کم کر سکتی ہے۔الائچی کا استعمال سانسوں کو تازہ کرتا ہے اور منہ کی بدبو کو ختم کرتا ہے۔الائچی بلڈ پریشر کو کم کرنے میں مددگار ثابت ہوتی ہے، خاص طور پر اگر اسے باقاعدگی سے استعمال کیا جائے۔ الائچی میں اینٹی آکسیڈنٹس پائے جاتے ہیں جو مدافعتی نظام کو مضبوط بناتے ہیں۔
ماہرین نے بتایا کہ الائچی کا استعمال میٹابولزم کو تیز کرتا ہے اور وزن کم کرنے میں مدد فراہم کرتا ہے۔یہ خون میں شوگر کی سطح کو کنٹرول کرنے میں بھی مددگار ہو سکتی ہے۔الائچی کا استعمال دل کی صحت کو بہتر بناتا ہے اور کولیسٹرول کی سطح کو کم کرنے میں مدد کرتا ہے۔الائچی کو مختلف طریقوں سے استعمال کیا جا سکتا ہے، جیسے کہ کھانوں میں شامل کر کے، چائے میں ڈال کر، یا اسے چبا کر براہ راست کھایابھی جا سکتاہے۔
