اداکار زاہد احمد نے سوشل میڈیا صارفین سے معافی مانگ لی

پاکستانی اداکار زاہد احمد نے تنقید کے بعد سوشل میڈیا صارفین سے معافی مانگ لی۔

اداکار زاہد احمد نے اپنے حالیہ بیان پر ہونے والی تنقید کے بعد سوشل میڈیا صارفین سے معافی مانگ لی۔ زاہد احمد نے ویڈیو پیغام کے ذریعے صارفین سے معذرت کرتے ہوئے کہا کہ ان کے الفاظ کو غلط سمجھا گیا۔

انہوں نے وضاحت کی کہ ان کا اشارہ ان افراد کی طرف نہیں تھا جو سوشل میڈیا پر مواد بناتے ہیں بلکہ سوشل میڈیا پلیٹ فارمز کے تخلیق کاروں کی طرف تھا۔

زاہد احمد نے اعتراف کیا کہ انہوں نے جذبات میں آکر سخت الفاظ استعمال کیے۔ جو ان کی غلطی تھی۔ کسی کے جنت یا جہنم جانے کا فیصلہ کرنا صرف خدا کا حق ہے۔ اور کسی انسان کو ایسا حق نہیں ہے۔

انہوں نے کہا کہ نوجوان ان کی باتوں کو سنجیدگی سے لیتے ہیں۔ اس لیے ان کے لیے ضروری تھا کہ وہ اپنی بات درست اور واضح انداز میں بیان کرتے۔ ان کا مقصد کسی کو بُرا کہنا نہیں تھا۔ بلکہ سوشل میڈیا کے منفی پہلوؤں پر توجہ دلانا تھا۔