علیمہ خان کے دوسرے بیٹے کو بھی حراست میں لیے جانے کی اطلاعات ،ذرائع

پاکستان تحریک انصاف کے بانی عمران خان کی بہن علیمہ خان کے دوسرے بیٹے شیر شاہ کو بھی حراست میں لیے جانے کی اطلاعات سامنے آئی ہیں۔

ذرائع کے مطابق شیر شاہ کو اُن کے گھر کے قریب سے حراست میں لیا گیا، جب وہ والد کے ہمراہ عدالت سے واپس آ رہے تھے۔

نو مئی کیس : علیمہ خان کے بیٹے شاہ ریز کا 8 روزہ جسمانی ریمانڈ منظور

خاندانی ذرائع کا کہنا ہے کہ شیر شاہ کو حراست میں لینے والے وہی افراد تھے جنہوں نے ایک روز قبل علیمہ خان کے بڑے بیٹے شاہ ریز خان کو گرفتار کیا تھا، اور اس موقع پر پولیس بھی موجود تھی۔ واضح رہے کہ شاہ ریز خان کو گزشتہ روز گرفتار کرکے آج عدالت میں پیش کیا گیا تھا، جبکہ اہل خانہ ان گرفتاریوں پر تشویش کا اظہار کر رہے ہیں۔