علیمہ خان کے بیٹے شاہ ریز کے جسمانی ریمانڈ کی استدعا مسترد، جوڈیشل ریمانڈ پر جیل منتقل
9 مئی جناح ہاؤس حملہ کیس میں لاہور کی انسداد دہشت گردی عدالت نے علیمہ خان کے بیٹے شاہ ریز کے جسمانی ریمانڈ کی استدعا مسترد جوڈیشل ریمانڈ پر جیل بھیج دیا۔
انسداد دہشت گردی عدالت (اے ٹی سی) لاہور نے عمران خان کی ہمشیرہ علیمہ خان کے بیٹے شاہ ریز کے مزید جسمانی ریمانڈ کی درخواست مسترد کرتے ہوئے جوڈیشل ریمانڈ پر جیل بھیج دیا۔جج منظر علی گل جناح ہاؤس کیس پر سماعت کی، عدالت نے پولیس کی جسمانی ریمانڈ کی استدعا مسترد کی۔
پولیس نے ملزم شاہ ریز کو آٹھ روزہ جسمانی ریمانڈ ختم ہونے پر عدالت میں پیش کیا،تھانہ سرور روڈ پولیس نے جناح ہاؤس حملہ کیس میں شاہ ریز کے خلاف مقدمہ درج کر رکھا ہے۔
واضح رہےکہ پولیس نے علیمہ خان کے صاحبزادوں شیر شاہ اور شاہ زیر کو 9 مئی کےمقدمے میں گرفتار کر کے ان کے خلاف مقدمات درج کیے تھے۔
