ٹینس چیمپئن شپ میں کولمبیا کوپاکستان کے ہاتھوں شکست

اے ٹی ایف انڈر 12 انٹرکونٹینینٹل ٹینس چیمپئن شپ میں پاکستان نے پانچویں سے آٹھویں پوزیشن کے پلے آف میں کولمبیا کو شکست دے دی۔

پاکستان نے سنسنی خیز مقابلے کے بعد ساؤتھ امریکا کی نمائندہ ٹیم کولمبیا کو 1-2  سے ہرایا۔

پہلے سنگل میں سمیعل گارشیا نے راشد علی کو 2-6 ، 7-6 اور 4-10  سے شکست دی۔ محمد شایان نے پاؤلو ایگڈیلو کو اگلے سنگلز میں شکست دے کر مقابلہ برابر کیا۔شایان کی کامیابی کا اسکور 2-6 ، 7-5  اور 8-10 رہا۔

ڈبلز میں شایان اور راشد کی جوڑی نے 4-6 اور 4-6  سے کامیابی حاصل کی۔

پانچویں پوزیشن کے میچ کیلئے پاکستان کل چائنیز تائپے سے مقابلہ کرے گا۔ پاکستان کو گزشتہ روز کوارٹر فائنل میں آسٹریلیا نے 0-2 سے ہرایا تھا۔