درہ آدم خیل : گھر میں دھماکے سے 2 افراد جاں بحق، متعدد زخمی
کوہاٹ کےعلاقے درہ آدم خیل کے ایک گھر میں دھماکا ہوا ، جس کے نتیجے میں 2 افراد جاں بحق، جب کہ متعدد زخمی ہوگئے ہیں ۔
ابتدائی طورپر دھماکےکی نوعیت کا معلوم نہیں ہوسکا، دھماکے کی اطلاع ملنے پرریسکیو اہلکار موقع پر پہنچے، اور لاشوں کو ہسپتال منتقل کیا۔
ریسکیو حکام کےمطابق دھماکا گھرکے اندر ہوا، بم ڈسپوزل اسکواڈ نے دھماکے کی نوعیت جاننے کے لیے تحقیقات شروع کر دی ہیں۔
آئی ایم ایف کیساتھ تنخواہ دار طبقے کے لیے ٹیکس شرح میں کمی پر اتفاق رائے کا امکان
ریسکیو حکام کا کہنا ہےکہ دھماکا سلنڈر پھٹنے سے ہوا ہے یا دستی بم گھر کے اندر پھینکا گیا؟، اس بارے میں بم ڈسپوزل اسکواڈ شواہد اور معلومات جمع کرکے حتمی طور پر کچھ بتائے گا، فی الحال دھماکے کی نوعیت کا تعین نہیں کیا جاسکا ہے۔
حکام کا کہنا ہے کہ قریبی ہسپتال میں زخمی ہونے والوں کا علاج کیا جارہا ہے، مرنے والوں کی لاشیں قانونی کارروائی کے بعد ورثا کے سپرد کی جائیں گی۔
