ڈچ انٹرنیشنل یوتھ ریگاٹا: پاکستانی نوجوانوں نے گولڈ میڈل جیت لیا
پاکستان کے فرید محمد عارف اور ریان ملک نے اوپن مینز ڈبل اسکل ریس میں شاندار کارکردگی کا مظاہرہ کرتے ہوئے گولڈ میڈل اپنے نام کر لیا۔
یہ مقابلہ ایمسٹرڈیم میں جاری ڈچ انٹرنیشنل یوتھ ریگاٹا 2025 کے پہلے دن منعقد ہوا، جس میں دونوں نوجوان کھلاڑیوں نے کے بی سی پاکستان کی نمائندگی کی۔
ریس میں آٹھ ممالک پاکستان، نیدرلینڈز، بیلجیئم، جرمنی، برطانیہ، فرانس، یوکرین اور امریکا — کے 800 سے زائد نوجوان کھلاڑیوں نے شرکت کی۔ سخت مقابلے کے باوجود فرید اور ریان نے زبردست ہم آہنگی، تکنیکی مہارت اور غیر معمولی برداشت کا مظاہرہ کرتے ہوئے سب کو پیچھے چھوڑ دیا۔
قومی کرکٹ ٹیم کے فیلڈنگ کوچ محمد مسرور اپنی ذمہ داریوں سے دستبردار ہوگئے
ان کی برتری اس قدر نمایاں تھی کہ فنش لائن عبور کرتے وقت دیگر کشتیاں کافی پیچھے رہ گئی تھیں۔
یہ فتح نہ صرف دونوں کھلاڑیوں کے لیے ایک بڑا اعزاز ہے بلکہ عالمی سطح پر پاکستان کی نمائندگی اور ساکھ کے لیے بھی ایک روشن لمحہ ثابت ہوئی ہے۔
