بجلی سستی، نیپرا نے ٹیرف میں کمی کی منظوری دیدی

نیپرا نے بجلی کے بنیادی نرخوں میں کمی سے متعلق وفاقی حکومت کی درخواست منظور کر لی ہے اور فیصلہ نوٹیفکیشن کے لیے بھجوا دیا گیا ہے۔
نیپرا نے ملک بھر کے صارفین کے لیے بجلی کے بنیادی ٹیرف میں اوسطاً 1.14 روپے فی یونٹ جبکہ زیادہ سے زیادہ 1.16 روپے فی یونٹ تک کمی کی منظوری دی ہے۔
یہ فیصلہ یکم جولائی 2025 سے نافذ العمل ہوگا۔ واضح رہے کہ پاور ڈویژن نے ملک بھر میں یکساں ٹیرف کے نفاذ کے لیے نیپرا میں درخواست جمع کرائی تھی، جس پر گزشتہ روز سماعت ہوئی تھی۔
اس فیصلے کے بعد گھریلو صارفین کے لیے زیادہ سے زیادہ ٹیرف 48.84 روپے سے کم ہو کر 47.69 روپے فی یونٹ ہو جائے گا۔
ایک سے100یونٹ تک پروٹیکٹڈ گھریلوصارفین کاٹیرف1.15روپے کمی سے 10.54روپےہوجائےگا جب کہ 01 1سے200 یونٹ تک پروٹیکٹڈ صارفین کا ٹیرف 1.15 کمی سے13.01 روپے ہوجائے گا۔
علاوہ ازیں ایک سے100 یونٹ تک نان پروٹیکٹڈ گھریلوصارفین کا ٹیرف 1.15کمی سے22.44روپے ہوجائےگا جب کہ ماہانہ 101 سے 200 یونٹ تک کا ٹیرف1.16روپےکمی سے28.91 روپے ہوجائےگا۔
اسی طرح ماہانہ201سے300یونٹ کا ٹیرف 1.16روپےکمی سے33.10 روپےہوجائےگا۔ ماہانہ301 سے400 یونٹ کا ٹیرف 1.16روپےکمی سے37.99روپے ہوجائےگا اور ماہانہ401 سے500یونٹ کا ٹیرف 1.14روپےکمی سے40.22روپے ہوجائےگا۔
نیپرا منظوری کے مطابق ماہانہ501سے600 یونٹ کا ٹیرف 1.16روپے کمی سے41.62روپے ہوجائےگا۔ ماہانہ601 سے700 یونٹ کا ٹیرف1.16 روپےکمی سے42.76 روپےہوجائےگا اور ماہانہ700 یونٹ سے زیادہ کا ٹیرف 1.15 روپےکمی سے 47.69 روپے ہوجائے گا۔
نیپرا کی منظوری کے بعد یہ ٹیرف فائنل نوٹیفکیشن کے اجرا پر نافذ ہوگا، تاہم یہ بھی واضح کیا گیا ہے کہ سیلز ٹیکس اور دیگر حکومتی محصولات شامل ہونے کے بعد فی یونٹ قیمت میں فرق آ سکتا ہے۔