فیلڈ مارشل عاصم منیر کو آذربائیجان کا اعلیٰ ترین عسکری اعزاز پیٹریاٹک وار میڈل عطا کردیا گیا
فیلڈ مارشل سید عاصم منیر کو آذربائیجان کا اعلیٰ ترین عسکری اعزاز پیٹریاٹک وار میڈل عطا کیا گیا، جو پاکستان اور آذربائیجان کے درمیان عسکری تعاون میں ان کی شاندار خدمات کا اعتراف ہے۔
پاک فوج کے شعبہ تعلقات عامہ (آئی ایس پی آر) کے مطابق فیلڈ مارشل عاصم منیر سے آذربائیجان کے نائب وزیر دفاع اور چیف آف جنرل سٹاف کرنل جنرل کریم نے ملاقات کی ہے،جس میں باہمی دلچسپی کے امور، علاقائی سلامتی اور دفاعی تعاون کے فروغ پر تبادلہ خیال کیا گیا۔
آئی ایس پی آر کے مطابق فیلڈ مارشل جنرل عاصم منیر نے آذربائیجان اور آرمینیا تنازع کے پُرامن حل پر مبارکباد پیش کی، جب کہ دونوں فریقین نے خطے میں امن و استحکام کےلیے مشترکہ کوششوں پر اتفاق کیا۔
فیلڈ مارشل سید عاصم منیر کو فوجی تعاون کے شعبے میں خدمات کے اعتراف میں آذربائیجان کے اعلیٰ ترین اعزاز پیٹریاٹک وار میڈل سے نوازا گیا۔یہ اعزاز صدر الہام علیوف کی جانب سے کرنل جنرل کریم نے پیش کیا۔
آئی ایس پی آر کےمطابق فیلڈ مارشل عاصم منیر نے آذربائیجان کے ساتھ مثالی تعلقات کو مزید مضبوط کرنے کا عزم ظاہر کیا۔
نائب وزیر دفاع نے پاک فوج کی پیشہ ورانہ صلاحیتوں، آپریشن بنیان مرصوص کی کامیابی اور دہشت گردی کے خلاف پاکستان کی جدوجہد کو سراہا۔
باجوڑ آپریشن کی وجہ سے قبائلی عوام نقل مکانی پر مجبور
فیلڈ مارشل عاصم منیر نے آذربائیجان کے ساتھ مثالی تعلقات مزید مستحکم کرنے کے عزم کا اظہار کیا اور یوم آزادی و فتح کی تقریبات کےلیے نیک خواہشات کا پیغام بھی دیا۔
