فیلڈ مارشل کی حکمت عملی کی بدولت پاک بھارت جنگ میں عظیم کامیابی ملی : مریم نواز
وزیراعلیٰ پنجاب مریم نواز نے آپریشن بنیان المرصوص میں تاریخی کامیابی حاصل کرنے پر فیلڈ مارشل عاصم منیر کو خراج تحسین پیش کرتے ہوئے کہا ہے کہ فیلڈ مارشل کی بہترین حکمت عملی کی بدولت پاک بھارت جنگ میں پاکستان کو عظیم کامیابی ملی۔
لاہور میں نیشنل سکیورٹی اینڈ وار کورس کے وفد سے گفتگو کرتے ہوئے وزیر اعلیٰ پنجاب مریم نواز کا کہناتھا کہ فیلڈ مارشل سید عاصم منیر کی بہترین حکمت عملی کی بدولت جنگ میں عظیم کامیابی ملی،ملک کو درپیش چیلنجز سے مل کر ہی نمٹا جا سکتا ہے۔
مریم نواز نے کہا کہ پاکستان جغرافیائی لحاظ سے خطے کا اہم ملک ہے،پاکستان کو اندرونی اور بیرونی چیلنجز کا سامنا ہے،عوام کی خوش حالی میری اولین ترجیح ہے۔
انہوں نے کہا کہ گڈ گورننس، درست پالیسیاں اور سخت محنت ہماری اولین ترجیح ہونی چاہیے، گڈ گورننس سے عوامی مسائل کا حل ممکن ہے،عوام کی بے لوث اور بلا تفریق خدمت میرا مشن ہے،
وزیراعلیٰ مریم نواز نے بتایا کہ صوبائی حکومت کی تمام مشینری سیلاب متاثرین کی بحالی کےلیے دن رات کام کرہی ہے۔
وزیراعلیٰ پنجاب کا کہنا تھاکہ میں اس وقت سیلاب متاثرین کی بحالی کو فوقیت دے رہی ہوں،پنجاب نے بڑا ریسکیو اینڈ ریلیف آپریشن کیا،
انہوں نے کہا کہ پنجاب کے عوام نے آج تک سیلاب کی اتنی تباہی نہیں دیکھی، سیلاب متاثرہ علاقوں سے 25 لاکھ افراد کو محفوظ مقام پر منتقل کیا،مشکل کی گھڑی میں سیلاب متاثرین کو تین وقت کا کھانا فراہم کیا گیا۔
