حکومت اب مزید بجلی نہیں خریدے گی ، جلد نیشنل ٹیرف پالیسی کا اعلان کیا جائے گا : وزیر توانائی
وفاقی وزیر برائےتوانائی سردار اویس لغاری کا کہنا ہےحکومت کی جانب سے اب مزید بجلی نہیں خریدی جائے گی اورامید ہے کہ بہت جلد وزیر اعظم نیشنل ٹیرف پالیسی کااعلان کریں گے۔
ایک تقریب سےخطاب کرتے ہوئے اویس لغاری نے کہا کہ پاکستان کو ایکسپورٹ پر مبنی (Export oriented) ملک بنانے کا فیصلہ ہوچکا ہے،اس کے بغیر کوئی راستہ نہيں، برآمدی شعبے کے لیے خطے کی سستی ترین بجلی کی فراہمی کے منصوبے پر کام کررہےہیں۔
صوبوں کےذمہ بجلی بلوں کی مد میں 161ارب واجب الادانکلے
انہوں نےکہا کہ حکومت اب بجلی نہیں خریدے گی،وزیراعظم جلد نیشنل ٹیرف پالیسی کا اعلان کریں گے جس سے تین سے ساڑھےتین لاکھ تک نوکریاں پیدا ہوں گی۔
وفاقی وزیر توانائی نےمزید کہاکہ بجلی کی قیمت میں کمی پر کسی خوش فہمی کا شکار نہیں،پاور سیکٹر میں پائيدار اصلاحات پر کام کر رہے ہيں۔
