علی امین گنڈاپور کا اپوزیشن لیڈر کے پی اسمبلی کو 1ارب روپے ہرجانے کا نوٹس
وزیراعلیٰ خیبرپختونخوا علی امین گنڈاپور نے اپنی ساکھ کو نقصان پہنچانے کے الزام میں کے پی اسمبلی کے اپوزیشن لیڈر کو ایک ارب روپے ہرجانےکا قانونی نوٹس بھیج دیا ۔
اپوزیشن لیڈرخیبر پختونخوا اسمبلی عباد اللہ نےایک بیان دیا تھا کہ وزیراعلیٰ علی امین گنڈاپور کوہستان کرپشن اسکینڈل کے مرکزی کردار ہیں۔
واضح رہےکہ رواں برس اپریل میں خبر سامنے آئی تھی کہ خیبر پختونخوا کے سرکاری بینک اکاؤنٹس سے 40 ارب روپے سے زائد کی خوردبرد اورمالی بدعنوانی کا انکشاف ہوا ہےاور خردبرد کی رقم مسلسل بڑھ رہی ہے۔
بانی پی ٹی آئی کا کہنا ہے کہ اسٹیبلشمنٹ اگر بات کرنا چاہتی ہے تو براہ راست مجھ سے کر لے: سینیٹر علی ظفر
اسکینڈل کوپاکستان کی تاریخ کے سب سے بڑے مالیاتی اسکینڈلز میں سے ایک قرار دیا گیا، 50کے قریب بینک اکاؤنٹس منجمد کردیے گیےہیں جبکہ تحقیقات کا دائرہ وسیع کردیا گیا۔
ابتدائی تحقیقات میں یہ بھی انکشاف ہوا کہ ضلع کے سرکاری اکاؤنٹس سے تقریباً ایک ہزار جعلی چیکس جاری کیے گئے جبکہ اب تک 50 مشتبہ اکاؤنٹ ہولڈرز کی نشاندہی ہو چکی ہے۔شواہد سےبااثر سیاسی اور اعلیٰ سرکاری شخصیات کی شمولیت کے واضح آثار ملے ہیں۔
