پی سی بی نے بنگلادیش کےخلاف ٹی ٹوئنٹی سیریز کے لیے نیا بولنگ کوچ مقرر کر دیا

پاکستان کرکٹ بورڈ (پی سی بی )  کی جانب سے بنگلادیش کےخلاف ٹی ٹوئنٹی سیریز  لیے کے نیا بولنگ کوچ مقرر کر دیا گیا ۔

پی سی بی کی جانب سے بتایا گیا ہے کہ آسٹریلیا کےایشلے نوفکے کو بنگلا دیش کے خلاف سیریز کے لیے بولنگ کوچ مقرر کیا گیا ہے جبکہ  نوید اکرم چیمہ پاکستان ٹیم کےمنیجر ہوں گے۔

پاکستان سے ٹی 20 سیریز کے لیے بنگلا دیش کرکٹ ٹیم کے پہلے گروپ کی لاہور آمد

پی سی بی نے بتایا کہ حنیف ملک بیٹنگ کوچ اورمحمد مسرور فیلڈنگ کوچ، کلف ڈیکن فزیو  اور عمران اللہ اسٹرینتھ اینڈ کنڈیشنگ کوچ ہوں گے جبکہ اسسٹنٹ کوچ اظہرمحمود سپورٹ اسٹاف میں شامل نہیں ہیں۔

اس کے علاوہ پاکستان ٹیم مینجمنٹ میں بھی متعدد تبدیلیاں کی گئی ہیں، سپورٹ اسٹاف میں ٹیم اینالسٹ، ٹیم ڈاکٹر ، مساجر اور میڈیا مینجر بھی شامل ہیں۔

پاکستان اور بنگلا دیش کی ٹیمیں کل اور پرسوں قذافی اسٹیڈیم میں ٹریننگ کریں گی، 27 مئی کو کپتان پری میچ پریس  کانفرنس بھی کریں گے اور تین ٹی ٹوئنٹی میچز کی سیریز کاپہلا میچ 28 مئی کوکھیلا جائے گا۔