’خوش رہیں اور مسکرائیں کیونکہ یہ مفت علاج ہے‘

کیا آپ کو یاد ہے کہ آخری بار آپ نے زور دار قہقہ کب لگایا تھا؟ اگر نہیں یاد تو آئیے آج کے مضمون میں اس سوال کا جواب تلاش کرتے ہیں۔

ہنسنا، مسکرانا اور خوش رہنا اتنا ہی ضروری ہے جتنا ورزش کرنا اور اچھی غذا کا استعمال کرنا۔

اداسی، پریشانی اور مایوسی ایسے احساس کا نام ہیں جو زندگی میں ہمیں بہت پیچھے چھوڑ دیتے ہیں، یہ لمحات ہمیں اندھیرے میں لے جاتے ہیں اور ہم مزید اضطراب کا شکار ہوجاتے ہیں جس سے انسان کا باہر نکلنا بہت مشکل ہے۔

ایسی کیفیت میں کئی لوگ ڈپریشن کا شکار ہوجاتے ہیں، منفی سوچ غالب رہتی ہے، اپنے آپ سے دور بھاگنے لگتے ہیں، چڑچراپن اور موڈ میں مسلسل تبدیلی ان کے عام لگنے لگتی ہے، خوش رہ کر بھی ناخوش دکھائی دیتے ہیں اور کئی افراد خودکشی کا بھی سوچنے لگتے ہیں۔