آئی سی سی نے ٹی20 پلیئرز کی نئی رینکنگ جاری کردی

پاکستان اور نیوزی لینڈ کے درمیان ٹی20 سیریز کے اختتام کے بعد آئی سی سی نے پلیئرز کی نئی رینکنگ جاری کردی۔

آئی سی سی کے مطابق آسٹریلوی بیٹر ٹریوس ہیڈ بدستور پہلی پوزیشن پر براجمان ہیں، جبکہ بابر اعظم 8ویں اور محمد رضوان نویں نمبر پر موجود ہیں۔

نئی رینکنگ کے مطابق ٹاپ 10 میں پاکستان کا کوئی بولر شامل نہیں۔نیوزی لینڈ کے بیٹر فن ایلن کی دو درجے ترقی ہوئی ہے اور وہ 16ویں نمبر پر آگئے ہیں۔

آئی سی سی کے مطابق ٹی20 بولرز میں ویسٹ انڈیز کے عقیل حسین بدستور پہلی پوزیشن پر موجود ہیں، جبکہ نیوزی لینڈ کے جیکب ڈفی 7 درجے ترقی حاصل کرکے چھٹے نمبر پر آگئے ہیں۔

پاکستان کے فاسٹ بولر حارث رؤف نیوزی لینڈ کے خلاف سیریز میں بہترین کارکردگی کی بدولت 11 درجے ترقی پاکر 15ویں نمبر پر آگئے ہیں۔