صدرمملکت اور وزیراعظم کی اہم ملاقات،حکومتی امورپرتبادلہ خیال
وزیر اعظم محمد شہباز شریف کی ایوان صدر میں صدر آصف علی زرداری سے ملاقات، قومی اہمیت کے امور پر تبادلہ خیال کیا گیا۔
وزیر اعظم کے ہمراہ ڈپٹی وزیر اعظم و وزیر خارجہ سینیٹر محمد اسحق ڈار، وزیر منصوبہ بندی، ترقی و خصوصی اقدامات احسن اقبال چودھری، وزیر بین الصوبائی رابطہ، سیاسی و عوامی امور رانا ثنا اللہ خان بھی موجود تھے۔
صدر اور وزیراعظم کی ملاقات میں وزیر داخلہ و منشیات کنٹرول سینیٹر سید محسن نقوی، وزیر قانون و انصاف و حقوق انسانی سینیٹر اعظم نذیر تارڑ، سینیٹر سلیم مندوی والا، سینیٹر شیری رحمٰن اور نیئرحسین بخاری بھی موجود تھے۔
ملاقات کے دوران صدر اور وزیراعظم نےملک کی موجودہ سیاسی و سیکیورٹی صورتحال، علاقائی اور عالمی سطح پر ہونےوالی حالیہ پیشرفت شامل پر تبادلہ خیال کیا جو پاکستان کے اسٹریٹجک اور اقتصادی مفادات کو متاثر کرتی ہیں۔
شہبازشریف نے صدر کو اپنی حالیہ مصری اور ملائشیا کی سفری دوروں، بین الاقوامی رہنماؤں سے ملاقاتوں اور غزہ میں امن کیلئےکی گئی کوششوں سے بھی آگاہ کیا۔
