بھارتی میڈیا کا چیمپئنزٹرافی سےمتعلق پراپیگنڈاجھوٹاہے،عطا تارڑ

وفاقی وزیر اطلاعات عطااللہ تارڑنےکہا ہےکہ  بھارتی میڈياچیمپئنزٹرافی سے متعلق جھوٹابے بنیاداورمن گھڑت  پروپيگنڈا کررہاہے۔

عطااللہ تارڑ کاکہنا تھا کہ  سب بھارتی کرکٹ بورڈ کی ایما پرکیاجارہا ہے جسے پاکستان میں آئی سی سی ایونٹ کا کامیابی سے انعقاد ہضم نہیں ہورہا۔بھارتی بورڈ کے زير سایہ بھارتی میڈيا کا پاکستان کے خلاف پروپيگنڈا مسترد کرتے ہيں، پاکستان میں اسپورٹس کو سبوتاژ کرنا بھارت کی مذموم کوشش ہے۔

وزیر اطلاعات کا کہنا ہے کہ پاکستان کےمیدانوں میں کرکٹ کاہونا دنیا بھر کے لوگوں کی جیت ہے، جس کا ایک بڑا ثبوت  یہاں پرآسٹریلیا اور انگلینڈ کے میچ میں عوام کا بھرپور جوش و خروش ہے۔چیمپئنز ٹرافی سےمتعلق بھارتی میڈیا میں چلنے والے تھریٹ الرٹ جعلی اور  بے بنیاد ہیں ، پاکستان انہيں مسترد کرتا ہے۔