ایران کاافغان پناہ گزینوں کو ملک چھوڑنے کا حکم

ایران نے قانونی دستاویزات نہ رکھنے والے افغان پناہ گزینوں کوملک چھوڑنے کا حکم دے دیا۔

تفصیلات کےمطابق تہران کے گورنر محمد صادق کا کہناہے کہ ایران میں غیرقانونی طورپرمقیم افغان پناہ گزینوں کو ملک بدر کرنےکا کام تیز کر دیا گیا ہے۔غیر قانونی طورپررہائش پذیر افغان خود واپس افغانستان چلے جائیں، ایسا نہ کرنے والوں کو گرفتار کرکے ملک بدرکردیاجائے گا۔

محمد صادق کا کہنا تھا کہ دستاویزات نہ رکھنےوالےافغان پناہ گزین قانونی طور پر واپسی کیلئےحکومت کے متعین کردہ مراکز پر رابطہ کریں۔ان کا کہنا تھا کہ اگر ایسا نہیں کیا گیا تو حکام کی جانب سےانہیں گرفتار کرکےڈی پورٹ کرنےکے اقدامات کیے جائیں گے۔

ایرانی میڈیا کے مطابق ایران میں قانونی دستاویزات نہ رکھنے والے افغان پناہ گزینوں کیخلاف کریک ڈاؤن جاری ہے۔