جنگ ختم کرنے کا فیصلہ ایران کرے گا : سابق ایرانی وزیر خارجہ جواد ظریف

سابق ایرانی وزیر خارجہ جواد ظریف کا کہنا ہے کہ ایران طے کرے گا کہ جنگ کیسے ختم کی جائے گی۔

ایران کے سابق وزیر خارجہ محمد جواد ظریف نے کہاکہ ایران نے یہ جنگ شروع نہیں کی لیکن حملہ آور کوئی بھی ہو، ایرانی قوم اسے ناک آؤٹ کر دے گی،نسل کش بزدل کو علم ہی نہیں اس نےکس چیز کا آغاز کیا ہے۔

جواد ظریف کاکہنا تھاکہ اسرائیلی وزیر اعظم نیتن یاہو اور اس کے غیرمہذب گروہ طاقت کے نشے میں اندھے ہو گئے ہیں، ایران نے 3 صدیوں میں کسی ملک پر حملہ نہیں کیا لیکن ایران نے ابھرنے کی ناقابل یقین قوت بن کر دکھایاہے۔

ایران نے اسرائیلی فوج کے انٹیلی جنس ہیڈ کوارٹرز پر میزائل داغ دیے

سابق وزیر خارجہ کاکہنا تھاکہ عمارتیں گرائی جا سکتی ہیں لیکن علم کبھی تباہ نہیں کیا جا سکتا،خاص طور پر جب 9 کروڑ محب وطن اور مخلص لوگ موجود ہوں۔ایران نے یہ جنگ شروع نہیں کی لیکن یقیناً فیصلہ ایران ہی کرے گا کہ اسے ختم کیسے کیا جانا ہے۔