اسلام آباد،رن وے پرکتا آگیا،طیارہ حادثے سے بال بال بچ گیا

اسلام آباد انٹرنیشنل ائیرپورٹ کے رن وے پر کتا آنے سے غیرملکی ائیرلائنزکا طیارہ حادثےسے بچ گیا۔
دبئی سےاسلام آباد آنےوالی غیرملکی ائیرلائن کی پروازکی لینڈنگ کےدوران کتا رن وے پرآگیا اور طیارےکی لینڈنگ کے وقت کتےکی موجودگی پر اےٹی سی نے طیارے کے کپتان کو فوری آگاہ کیا۔
ذرائع نے بتایاکہ اےٹی سی کی ہدایت پر کپتان نےلینڈنگ کےبجائےطیارےکوچکر لگوایا اور دوسری بار کوشش پرکپتان نےطیارے کوبحفاظت اتارلیا۔طیارےمیں 250 سے زائد مسافر سوار تھے۔
ترجمان ائیرپورٹ نے بتایاکہ اسلام آبادائیرپورٹ پر ٹیکسی کرنےوالے پائلٹ نے رن وے پر کسی جانور کی موجودگی کی اطلاع دی تھی،اسی وقت غیرملکی طیارے کو لینڈنگ کرنا تھی،اور رن وےکی جانچ کا وقت نہیں تھا۔
ترجمان کا کہنا تھاکہ اس لیےغیرملکی ائیر لائنز کے طیارےکی لینڈنگ روک کراسے گواراؤنڈ کروایا گیا اوررن وےکلیئرہونےکی تصدیق کےبعد طیارےکولینڈنگ کی اجازت دی گئی۔