پاکستان کو آئین پر چلانے سے ہی معاملات حل ہوں گے،شاہدخاقان
عوام پاکستان پارٹی کے سربراہ و سابق وزیراعظم شاہد خاقان عباسی کاکہنا ہے کہ پاکستان کو آئین پر چلانے سے ہی معاملات حل ہوں گے۔
ماڑی انڈس میں سیرت کانفرنس سے خطاب کرتے ہوئے سربراہ عوام پاکستان پارٹی شاہد خاقان عباسی کا کہنا تھا کہ اگر ہم ملک کو آگے لیکر چلنا ہے ہمیں انصاف کی بنیاد فیصلے کرنا ہوں گے ،ملکی مسائل کا حل انتہائی آسان ہے آئین پر عمل کیا جائے۔ملک کی بقاء اور سلامتی آئین پر عمل کرنے میں ہے۔
شاہد خاقان نے کہا کہ ہماری بدقسمتی ہے ہم آئین سے دور ہوچکے ہیں ، اللہ نے ہمیں ضابطہ حیات دیا اسی کی روشنی زندگی میں گزار کر ترقی کرسکتے ہیں، تمام آئینی عہدے دار آئین پاکستان پر حلف اٹھاتے ہیں، آج ہر کوئی سوال کرتا ہے ہمارا کیا بنے گا ، ملک کا کیا بنے گا ، ملک کی بقاء اور سلامتی آئین پر عمل کرنے میں ہے۔
سابق وزیراعظم کا مزید کہنا تھا کہ پاکستانی قوم دنیا میں سب زیادہ خیرات کرنے والی قوم ہے ، ہماری بدقسمتی ہے ہم ٹیکس دینے سے انکاری ہوتے ہیں، فکری اختلافات کی ہماری دین کے نزدیک کوئی اہمیت نہیں ، مغربی ممالک میں غزہ کے معاملے پر بھرپور انداز میں آواز آٹھائی گئی۔
