جہاد کا اعلان صرف ریاست کی جانب سے کیا جا سکتا ہے: ڈی جی آئی ایس پی آر
ڈی جی آئی ایس پی آر لیفٹیننٹ جنرل احمد شریف چوہدری نے کہا کہ جہاد کا اعلان صرف ریاست کی طرف سے کیا جا سکتا ہے ،کوئی فرد یا گروہ انفرادی یا حکومتی سطح پر یہ اختیار حاصل نہیں کر سکتا ۔
ڈی جی آئی ایس پی آر نے کراچی میں مختلف مذاہب اورسماجی حلقوں سے ملاقاتیں کیں اور تبادلہ خیال کیا۔
پاک فوج کے شعبہ تعلقاتِ عامہ (آئی ایس پی آر) کے ڈائریکٹر جنرل (ڈی جی) لیفٹیننٹ جنرل احمد شریف چوہدری کا مختلف مذاہب اور سماجی حلقوں کی جانب سے خیرمقدم اور بھرپور یکجہتی کا اظہار بھی کیا گیا۔
سندھ طاس معاہدہ سیاسی مفاہمت نہیں بلکہ ایک بین الاقوامی معاہدہ ہے : دفتر خارجہ
واضح رہے کہ مختلف مذاہب اورسماجی طبقات کےنمائندوں سے بھی ڈی جی آئی ایس پی آر کی ملاقات ہوئی جس کو انہوں نے قابلِ قدر قرار دے دیا۔
ڈی جی آئی ایس پی آر نے کہا کہ پاکستان میں تمام مذاہب کے ماننے والے برابر کے شہری ہیں جنہیں آئینی طور پر مکمل حقوق حاصل ہیں،قومی اتحاد برابری اور ہم آہنگی سے ہی قائم رہتا ہے۔
ڈی جی آئی ایس پی آرلیفٹیننٹ جنرل احمد شریف چوہدری کا کہنا تھا کہ بھارت پاکستان میں دہشت گردی کی پشت پناہی کر رہا ہے، پاک فوج جدید جنگی حکمت عملی کے ساتھ دشمن کو جواب دے رہی ہے،نسلی یا لسانی نفرت جہالت ہے۔
