کرتارپور راہداری 9 روز سےبند، دربار انتظامیہ کا مودی حکومت سے راہداری کھولنے کا مطالبہ
گوردوارہ دربار صاحب کی انتظامیہ کا کہنا ہےکہ بھارت کی جانب سے کرتارپور راہداری کو بند ہوئے آج 9 روز ہو گئے ہیں ۔
ہیڈ گرنتھی گوردوارہ دربارصاحب سردار گوبند سنگھ کا کہنا ہے کہ پاکستان اپنے سکھ بھائیوں کا منتظر ہے، نریندر مودی سے اپیل ہے کہ سکھوں کوکرتارپور آنے دیا جائے۔
سردار گوبند سنگھ کا کہنا ہےکہ بھارت سیاست کومذہب سےدور رکھے،عالمی جنگ عظیم میں بھی مذہبی مقامات کی یاترا بند نہیں کی گئی تھی۔
جنرل عاصم منیر کی قیادت میں بھارت کو منہ توڑ جواب دیا گیا : عطا تارڑ
مقامی یاتریوں کا بھی کہنا ہےکہ بھارت راہداری کھولےاور یاتریوں کو دربار کے درشن کرنے دے۔
یاد رہےکہ بھارت کی جانب سے کی جانے والی جارحیت کے جواب میں پاکستان نے بھارت کو 10 مئی کو منہ توڑ جواب دیتے ہوئے 3 رافیل طیاروں سمیت 5 جنگی طیارے اور کئی ائیر فیلڈز تباہ کردی تھیں۔
بھارت نے پاکستان میں ناصرف سویلین آبادی کو نشانہ بنایا بلکہ ہندو انتہا پسند سرکار نے نام نہاد میڈیا کے ذریعے یہ جھوٹا پروپیگنڈا بھی پھیلانے کی کوشش کی کہ پاکستان نے پنجاب میں سکھوں پرحملہ کیا تاہم سکھ کمیونٹی اورسوشل میڈیا نے گودی میڈیا کا جھوٹ پوری دنیا کے سامنے بے نقاب کر دیا۔
