سویڈش گلوکارہ زارا لارسن اور ملالہ یوسفزئی کی منفرد مہم کا آغاز
سویڈش گلوکارہ زارا لارسن نے کیلیفورنیا کے معروف آرگینک گڈز اسٹور ایرواہن کے ساتھ مل کر ایک خاص اسمتھی ‘مڈ نائٹ سن’ متعارف کرائی ہے، جس کی فروخت سے حاصل ہونے والی تمام آمدنی ملالہ فنڈ کو عطیہ کی جائے گی۔
یہ منفرد گلابی اور ارغوانی رنگ کا مشروب قدرتی و نامیاتی اجزاء کا بہترین مجموعہ ہے، جس میں ناریل کا دودھ، بلیو بیریز، کیلا، وہے پروٹین، اسٹرابیری، انناس، آم، ناریل کا پانی، گاجر کا رس اور ونیلا شامل ہیں۔
اس اسمتھی کا نام گلوکارہ کے تازہ ترین میوزک البم ’مڈ نائٹ سن‘ سے ماخوذ ہے۔ یہ مشروب ایرواہن کی زیادہ تر شاخوں، ان کی موبائل ایپ اور نیویارک میں اوبر ایٹس پوسٹ میٹس پر بھی دستیاب ہے۔
